（一）客家傳承

細佬哥，學唱歌，識字唔多跟阿婆。鸚鵡學舌信天咔，經常把mi唱成duo。客家山歌長過河，一晝一日唔嫌多。優良家風從細教，世代傳承家自和。

（二）家教

細佬仔，唔聽使，飆上跌落冇眼睇。阿媽喊其來燒火，其話櫓箕唔干水滴滴。竹咻哩，抽下施，手痛腳腫有道泣。阿爸拉其灶封前，拿起火夾發誓再也唔淘氣。

（三）長記性

細滿仔，學掌牛，牽到牛繩河邊走。見到青草一大叢，放開老牛與背籠。卷褲腳，摸蝦公，盡情玩耍全放松。突然聽到大人罵，原來牛在番薯壟。趕緊轟，石頭扔，牛麻受驚往前沖。闖進叔婆青菜園，急得叔公快發瘋。阿爸到，阿媽忠（打），賠禮道歉鄰里通。耳公一拉長記性，今后昂久在心中。

（四）上學堂

崖同你，上學堂，一路跳來一路唱。牛角辮子上下擺，一朵紅花扎頭上。見老師，問聲好，彎腰行禮幾響亮。課堂認真學文化，下課操場齊歡暢。

（五）崖當家

今朝日，崖當家，阿爸阿媽去出車。看到鐘表十一點，放下功課進灶下。洗鍋頭，摘菜花，洗米煲飯細心抓。自己動手有飯食，庭院掃凈像屋卡。

作者：馬錦昌